నా ఊహల్లో అమ్మాయి

తన మాట అమ్మ జోల పాటలా
తన నవ్వు విరిసిన మల్లె తోటలా
తన నడక నెమలి ఆటలా
ఆకాశం నుంచి నక్షత్రం జారి తన నుదుటి బొట్టైనట్టు
చందమామ పంతం పూని తన బుగ్గల్లొ తెలుపైనట్టూ
అమాయకత్వం అచ్చుపోసుకున్నట్టు,చిలిపతనం అడుగులేస్తునట్టు
మంచితనం మాట నేర్చుకున్నట్టు,పసితనం పరుగుతీస్తున్నట్టు
దేవుడే కలగని సృష్టించాడేమో అనిపించాలి
దేవతలంతా ఈర్ష్యపడి కిందకి పంపేసారేమొ అని అంతా అనుమానించాలి

చీకట్లన్ని నిను కమ్మేసినపుడు చిరుదీపాన్ని వెలిగించి చూడు ధైర్యాన్ని ఇస్తుంది.ఓటములన్ని నిను చుట్టేసినపుడు మరోసారి ప్రయత్నించి చూడు గెలుపు లభిస్తుంధి

ప్రతి మనిషి ఎన్నో కలలు కంటాడు,తన జీవితాన్ని ఉన్నతంగ తీర్చి దిద్దు కోవాలని ఆరాట పడతాడు.కొందరు మాత్రమే అలిసిపోకుండ అడుగులు వేస్తు తము అనుకున్నది సాధిస్తారు,మరికొందరు అడుగులు తడబడితె తమ ప్రయాత్నన్ని మధ్యలోనె వదిలేస్తారు,ఇంకొందరు అసలు నడకని ప్రారంభించడానికే భయపడతారు.తేడా మనుషుల్లొ లేదు వారి మనసుల్లొ వుంది.ఒక మంచి మాట,ఒక స్పూర్తినిచ్చె కథ ఆ మనసుల్ని మారుస్తుందనె నమ్మకం తొ,ఎంతో మంది మహనుభావులు చెప్పిన మాటలని,ఒడిదుడుకులు ఎన్ని ఎదురైన కష్టం అనే సంద్రాన్ని ఆత్మవిశ్వాసం అనే నావతో ఈదిన కొందరి కథల్ని మీకు అందిస్తున్నాను.ఈ చిరు ప్రయత్నం మీకు,నాకు ప్రేరణ ఇస్తుందనె నమ్మకంతో,మన కలల తీరాన్ని మన చెంతకు చేరుస్తుందనే ఆశ తొ........ శిశు